ملحمة الروسى

اقول ايه ممكن ده يبقي رأيك انت بس هي اسلوبها بيقول غير كده.
علي فكرة بقي لو انتي حافظة القرأن و عارفة دينك كويس كنت افتكرتي الاية دي و لا تلقوا بالمحصنات
انا مش فاهمه انت بتدافع عنها كده ليه دي بنت غريبة عنك يعني تجوزلك صح و لا لاء
طبعا لاء.
نعم مش فاهمه
يا بنتي افهمي بقي ساندي تبقي اختي في الرضاعه مامتها كانت صاحبة مامتي الله يرحمها و كانت بترضعني مع ساندي يعني احنا اخوات فهمتي.
مش معقول طب ليه هي بتعاملني كده.
عشان طول عمرها من و احنا صغيرين مرتبطة بيا اكتر من حازم اخوها كمان لدرجة انها بتغير حتي لو من صحابي الولاد.
تفهمت عليه و ابتسمت و هي تزيح وجهها مقابل نافذة السيارة.
فاتكلم و هو مبتسم لرؤية عيناها الضاحكه
مليكة اظن كده مافيش داعي للزعل بينا صح.
خلاص يا جاسر مافيش حاجة.
طب اتفضلي بقى.
مد يده بتلك الحقيبة لها
ايه دي.
دي ملحفة و نقاب جداد لو سمحتي اقبليهم مني و مترفضيش و لو لبستيهم النهارده في الفرح هاعرف اننا متصالحين.
لاء مش ضروري انا خلاص مش زعلانه.
طب و لو قولت ليكي عشان خاطري
احنت رأسها بخجل مما قاله و اخذت من يده تلك الحقيبة و فضلت الصمت الي ان وصلوا الي وجهتهم
انها الساعة السابعة مساء دق الحارس بابها فافتحت له
السلام عليكم
و عليكم السلام خير عايز حاجة
اتفضلي حضرتك العلبة دي ليكي
علبة ايه دي و مين اللي جابها
في الحقيقة انا مش عارف مين اللي جابها بس حضرة الضابط هشام خرج بيها من عند صقر باشا و سابها لينا علي البوابة
و بيقول لحضرتك ان العربية

و الحراسة هاتكون جاهزه علي الساعة ٨ عن اذن حضرتك بقي
طيب اتفضل انت
اغلقت الباب و اتجهت بتلك الصندوق متوسط الحجم الي الاعلي و دلفت به الي غرفتها و شرعت في فتحه وجدت بداخله نقاب جديد و عباءه معه
فأبتسمت و هي تدعي له
ابن اصول صحيح يا هشام ربنا يباركلك في عروستك و يسعدك يا رب
و في تمام الثامنة خرجت و هي مرتديه ذلك النقاب الجديد و اتجهت نحو السيارات
و ركبت بالسيارة المخصصه لها بالخلف و جلس السائق في مقعده و لكنه لم يتحرك و لا هو و لا سيارات الحرس لتهتف
هو في حاجه انت مستني حد و لا ايه
قبل ان يتكلم اتاتها الاجابة عندما فتح الباب الجانبي لها و جلس علي الاريكة الخلفية بجانبها
انت
اظن مافيش عندك مانع اني اركب عربيتي اطلع يا بني.
كان فرح اسطوري بمعنى الكلمة حرص ان يكون في افخم فنادق البلد كما حرص علي ان يحضره عدد كبير من الوزراء و كبار رجال الدولة.
و لا يقوي احد ان يرفض دعوة الصقر ذلك الرجل الذي يهابه الجميع.
كان يقف في استقبال جميع الحضور بعد ان اجلسها علي طاولته الخاصة الي ان يحضر العروسان و معهم ابنه و ابنتها.
كما حضر صديقه المقرب له هو و أسرته بالكامل و وقف يرحب به هو و زوجته التي ما ان اشارت لها ابنتها علي الاخري ڠضبت و كادت ان تثور عليهم.
يا بمبمو يا بمبو الف مبروك لهشام عقبال جاسر يا حبيبي.
الله يبارك فيك يا مازن عقبال ما نفرح بساندي و حازم يا اميره.
مش لما نفرح بيك انت الاول يا صقر.
التمس الڠضب في نبرة صوتها و نظرتها إليها
و لكن عفوا صديقة زوجتي فلم يقوي احد علي التحدث معي هكذا سوها.
قرر ان يستفزها اكثر من ذلك.
متشكر اوي يا أميرة قريب انشاء الله.
و چانا خلاص نسيتها يا صقر.
لاء ما انتي عارفه اني عمري ما بعمل حاجه من غير ما تكون هي بعتالي اشاره بيها.
و يا تري هي برضو اللي قعدت واحدة زي دي في بيتك كده من غير اي مبررات.
ڠضب الان فقد تجاوزت حدودها.
و قبل ان يثور عليها كان قد جذبها زوجها من أمامه.
اظن مش وقتها خالص المناقشة دي يا اميرة صقر مش فاضي و عايز يرحب بضيوفه ادخلي اقعدي انتي و ولادك.
دلفت من امامهم بعد ان رمقته بنظرة غاضبة كما جلست علي الطاولة المقابلة لها ترسل لها بنظرات لم تتفهمها الاخري من تحت نقابها.
عجبك اللي مراتك بتقوله ده يا زفت.
ابوس ايدك ماتتعصبش الفرح مليان ناس مهمين و لازم تكون هادي.
الله ېخرب بيتك انت و هي يا ريتك ما جبتها معاك يا أخي اتفضل روح اقعد معاها و قولها تبطل تبص لجنه بالطريقة دي كفايه عليا اللي عملته هي في العربية.
ليه هي عملت ايه يا صقر.
هو ده وقته يا مازن ارحمني انت كمان يأخي.
بس قولي ايه اللي حصل.
كانت عايزة ترمي نفسها من العربية يا سيدي.
يا نهار اسود اذاي.
فلاش باك
تحرك السائق و امامه سيارة الحراسه و من خلفه اخري الي ان خرج من الڤيلا و بدء يسرع في السير.
كان جالس بالقرب منها يعبث في هاتفه الحديث و هي صامته حزينه لقربه هذا منها لتسمعه يهمس لها و هو ينظر في هاتفه.
علي فكرة النقاب حلو اوي عليكي ماكنتش متصور ان المقاس هيطلع مظبوط كدة.
اندهشت لما قاله هذا يعني انه هو الذي اتي به.
ألهذا الحد تتحكم بي و تريد ازلالي
كانت

كلمتها هذه كاخنجر ټطعنه به في صدره.
الټفت لها و هو مندهش لما تقوله.
انا ماقصدتش كده خالص علي فكره.
اومال تقصد ايه عايز توريني انك تقدر تتحكم فيا في المكان اللي قاعده فيه في الاكل اللي باكله حتي اللبس كمان انت ايه عايز مني ايه.
شششششش اهدي انا ماقصدش كل اللي فهمتيه ده و يا ستي اذا كنت ضايقتك اني ركبت معاكي انا ممكن انزل و اركب اي عربية من العربيات التانيه.
لاء انا اللي هسيبهالك و هسيبلك الدنيا بحالها.
و اذا بها تفتح باب السيارة المسرعة و تحاول القاء نفسها منها علي الطريق.
بتعملي ايه يا مجنونه هو انا موعود بالمجانين يا ربي.
جذبها الصقر بين ذراعيه و احتضنها جيدا و هو يغلق بابها مرة ثانيه.
ليهتف السائق اقف يا باشا.
صړخ فيه و هو يحاول تهدئتها من وصلة بكائها هذه.
اوعي تقف اطلع بسرعه يلااااا
اهدي يا جنه اهدي انا و الله مش قصدي اي حاجة من اللي في دماغك دي و ليكي عليا بعد الفرح ما يخلص مش هاتعرض ليكي خالص و لو عايزه تمشي من بيتي كمان هانقلك في بيت تاني انتي و بنتك.
لماذا هدئت بين ذراعيك.
الم تكون اكبر عدو لي.
لما اشعر الان بطيبة قلبك.
رفعت وجهها الذي لا يظهر له منه سوي عينها الړصاصية التي كانت كشباك تصطاده بها.
سيبني ابعد ايدك عني.
كان كالمسحور بها لا يقوي علي حل وثاقها من بين يديه.
خاېف اسيبك تعملي كده تاني.
مش هاعمل حاجه بس سيبني مايصحش كده.
ابتعدت عنه بحرج و جلست محڼية الرأس بخجل مما فعله.
باك
يا نهار ابيض هو الموضوع صعب لدرجة انك مش عارف تحكيه.
امشي من قدامي يا مازن.
وقف الحج محمد ذلك الكهل طيب القلب هو و زوجته منبهرين بفرح ابنتهم الجميل ليجد ذلك الملك المتوج يقف بكل هيبته يستقبل الحضور بنفسه
اهلا اهلا يا حج محمد الف مبروك لشمس.
الله يبارك في سعادتك يا صقر باشا حضرتك واقف بنفسك تستقبل الناس دا شرف كبير و الله.
الشرف لينا احنا انت ناسي ان العريس يبقي اخويا الصغير و لا ايه.
ربنا يخليكم لبعض و يفرحك بابنك يا بني يا رب.
الله يخليكي يا حجة تهاني تعالي اتفضلي اقعدي مع مامت مليكة.
النبي هي هنا دانا نفسي اتعرف عليها من زمان اصل شمس بتقول عليها حلوه اوي.
ههههههههه بصي هي هناك اها المنقبه دي ممكن تخاديها الحمام بقي و تشوفيها براحتك ههههههههه.
توقف امامها مباشرة و هو يعرف الاخري بها
جنه دي تبقي الست تهاني والدة شمس.
انزعجت منه حين ازاح الالقاب بينهم جانبا و نداها بأسمها امام تلك السيده.
و لكنها لم تظهر ذلك و تلك السيده واقفه.
اهلا و سهلا بحضرتك انا مامت مليكة.
طبعا طبعا و هي القمر الصغيره يعني هاتجيب الحلاوة دي من برة مشاء الله من غير ما اشوف وشك كفاية جمال عنيكي.
اطلق ضحكة عالية لتنتبه هي الي وجهه الجذاب.
لاء اسيبكم انا بقى و حاولي تشوفيها زي ما قولتلك يا ست تهاني.
للمرة الثانية يخجلها و لكن قلبها يرقص لمن ډخله و لا تعلم السبب.
في موكب مهيب حضر العرسان و من خلفهم جاسر الذي كان يصتحب مليكة في يده و التي كانت سعيدة جدا به.
كانت شمس مشرقة بفستانها الابيض الجذاب و وجهها الملائكي.
و كان هشام في ابهي اشراقه بحلته السوداء و قميصه الابيض.
بدء العرس المهيب و اصدحت أصوات الموسيقي

تعلو في القاعة بأكملها و أخيرا ما انشغل جاسر مع اصدقائه عنها و جلست بين والدتها و ذلك الصقر الذي كان فرح جدا و كأنه يزوج ابنه بالفعل.
عقبالك يا مليكة.
متشكرة يا عمي صقر.
الله انتي بتتكلمي بالمصري اهو.
اعمل ايه كل ما اتكلم كلمه سوري الاقي جاسر بيقولي..
اتكلمي بالمصري يا مليكة.
ههههههههه علي فكره بقي معاه حق لهجتك بالمصري احلي بكتير.
خلاص بعد كده مش هاتكلم غير بالمصري.
مليكة تعالي.
واخدها و رايح علي فين يا جاسر.
هاترقص معايا انا و هشام و شمس يا بابا.
جذبت جنه يدها من يده و هتفت.
لاء بنتي مش بترقص و الناس تتفرج عليها سيبها قاعدة جانبي يا جاسر لو سمحت.
تفهم عليها الصقر و نظر الي ابنه.
ازاي يعني يا ناصح عايزها ترقص وسط الناس بنقابها اكيد هتلاقي هنا الف من ينتقدها مش كده و لا ايه.
ابتسم الي ابيه و شعر بخوفه علي مشاعرها و جلس بجوارهم.
الله قعدت ليه.
كده احسن يا بابا خليني قاعد معاكم.
كانت الغيرة تنهش فيها و هي تجلس بجوار والدتها الغاضبة أيضا.
شايفه يا ماما البيه قاعد معاها فرحان ازاي ده حتي مجاش يسلم علينا.
استني يا ساندي انا هاخليه يجي لحد هنا.
بنظره امره من عينيها اشارت له ان يحضر إليها.
بكل احترام وقف من جانب والده و اتجهه إليها.
طنط اميرة وحشتيني احني بجزعه عليها و قبلها في وجنتيها و لكنها مازلت متحفزة علي نظرتها الغاضبه.
انا زعلانه منك يا جاسر و ماكنتش ناويه اسلم عليك.
يا خبر ابيض هو انا اقدر بردو يا طنط علي زعلك.
عادي الظاهر انك نسيت مامتك التانية و اخواتك كمان.
تفهم علي ما ترمي اليه بكلماتها و لكنه فضل عدم الحديث عنهم.
لاء ازاي ماتقوليش كده عمري ما اقدر استغني عنك انتي او اخواتي.
و اخيرا ما انتهي العرس و صعد العريس بعروسه الي غرفتهم و شرع الجميع في الذهاب.
اغلق هشام باب الغرفه عليهم و هي مازلت محتفظة بخجلها و وجهها الابيض يكاد ان يكون مثل حبة فراولة حمراء.
رائها هو هكذا