بغرامها متيم
المحتويات
بقلب ظمآن فنزل معه عمران الذي ربت على ظهره وهتف مطمئنا إياه
ما تقلقش يا جاسر بإذن الله هتحدت مع خالتي ماجدة لحالنا مش قدامك يعني وهتكلم مع مها وهحاول اخليها ما تأثرش عليها عايزك تروح تسترخي وتهدي اعصابك وان شاء الله كل حاجة هتوبقى تمام وخليك واثق ان طالما قلبك رايدها ومتمسك بيها هتكون ليك بإذن الله
كل اللي غايظني البني ادم ده طلع لي منين وامتى مش عارف !
لا وكلمها قبل ما اجي شوف يا اخي الصدف لما توجب مع الانسان قوي
ضحك عمران بخفوت كي لا يثير حنقه فهو الآن مهدم مما حدث ثم حاول
تهدئته
حظك نحس يا جاسر يا ابن عمي مش عارف والله رجع لنا عامر دي منين !
بس وعهد الله ما هخليه يطولها وما فيش غيرك هيتجوزها وابقى قول عمران قال يلا يا جدع روح نام واستريح وشوف شغلك وبإذن الله على بكرة هخليك تقعد معاها قعدة الخطيب وخطيبته اللي كنت ھتموت عليها دلوك واني فاهمك زين
والله ما عارف ايه النحس ده دي الواحد عمال من الصبح يعيد ويزيد ويقول في عقل باله هيعمل ايه وهيلبس ايه ولا البرفان والبدلة الجديدة اللي منه لله اللي اسمه عامر دي خلى الواحد يومه قفل واكتئب ربنا يسد نفسه البعيد
ضحكا كلتاهما على كلمات جاسر ثم ودعه وصعد عمران الى الأعلى كي يرى ذاك الموضوع وبداخله تصميم أن يحضر جلسة ماجدة ومها ولن يتركهم وحدهم الا بعد ان يجعل الأمور مستقرة لصالح ابن عمه فهو يرى انه يستحقها وعلم منه أيضا أنها تنجذب له وتريده وطالما الموضوع كذلك فلن يصمت ذاك الفارس عمران
عاملة ايه يابتي وصحتك اخبارها ايه يارب تكوني زينة
ابتسمت لها شمس وأجابتها
الحمدلله يا خالة أنا
كويسة قووي بفضل ربنا ثم إنتي إللي مسبتنيش لحظة من ساعة ما خرجت من المستشفى والله ما عارفة اقول لك ايه على اللي بتعمليه
معايا ده ولا هرد لك جميلك ده ازاي
ربتت زينب على ظهرها بحنو
تنهدت شمس وهي تشعر باليتم الشديد وفي حالتها تلك تشعر بأنها شريدة لا مأوى لها ثم تذكرت امر عمران الفارس الذي انقذها من هؤلاء الأوغاد المختطفين لها لتقول باستفسار عنه
والله يا طنط انا ما شفتش ناس زيكم طيبين من زمان ودلوقتي انا بقيت معرضة للخطړ قوي وحسيت في بيتكم بالأمان اللي انا افتقدته حسيت بإن عمي الحاج سلطان زي بابا بالظبط وانتي امي التانية من اللي عملتيه معايا في اليومين دول ولولا الأستاذ عمران المتربي تربية ما بقتش موجودة في الزمن ده دلوقتي كان زماني في خبر كان بجد انا شايفاه دلوقتي في نظري فارس وشجاع مش موجود كتير اللي هو فين يا طنط ما شفتهوش خالص من ساعة ما جيت البيت
عمران مع مرته عند امها بيزوروها وهيجوا طوالي وهبقى اخليه يدخل يطمن عليكي
انصعقت شمس وشعرت بأنها سقطت من جبل مرتفع الهاويه وألقى بها في أسفل الأراضين وهي تسألها
انتهي البارت
بغرامها متيم
الجزء الثاني
من نبض الۏجع عشت غرامي
بقلمي فاطيما يوسف
مستنية رأيكم وتوقعاتكم
بسم الله الرحمن الرحيم
لاإله إلا الله وحده لاشريك له يحي ويميت له الملك وله الحمد وهو علي كل شئ قدير
البارت الخامس عشر
بغرامها متيم
الجزء الثاني
من نبض الۏجع عشت غرامي
بقلمي فاطيما يوسف
حبايبي الحلوين كالعاده البارت اليكم عايزه تفاعل لاني انا عيطت كتير قوي وانا بكتب البارت ده من كلام مها هي وامها وكلام عمران لكم ان تتخيلوا كم الدموع اللي انا دمعتها وانا بكتبه كتبته لكم باحساسي يا ريت تتفاعلوا عليه وما تطنشوش اللايك قبل القراءه وعايزه ريفيوهات كثير بعد القراءه واسيبكم مع البارت قراءة ممتعة حبيباتي ومحدش يقول لي الفصل قليل علشان هو 6000 كلمة
انصعقت شمس وشعرت بأنها سقطت من جبل مرتفع الهاويه وألقى بها في أسفل الأراضين وهي تسألها
هو عمران متجوز
اقتربت منها زينب في جلستها عندما لاحظت حزنها وهي تؤكد لها وقد تبدلت معالم وجهها إلى الحزن الصادق النابع من قلبها المول ع بحفيد لولدها وهو على مشارف الأربعين
وه هو انتي مكنتيش تعرفي
أه يابتي متجوز الدكتورة سكون اللي كانت معانا في المستشفى بس ياحبة عيني مخلفش لحد دلوك وحالته تصعب على الكافر
شعرت شمس بالشفقة والعطف عليهما
كنت بحسبها بنتك وأخت رحمة بس ياحبيبتي صعبوا عليا قوووي
واسترسلت باستفسار
هو العيب من مين ياطنط
لم تجيبها زينب على استفسارها بالإجابة الصحيحة مراعاة لحرمة ولدها وكما أن سكون لا تستحق منها ذلك
أمر الله يا بتي لاهو فيه عيب ولا هي اسم الله عليها فيها حاجة الاتنين عفايا الحمدلله بس حكم ربنا كل شي له معاد بس مخبيش عليكي قلبي متشحتف على حفيد من صلب ولدي ومتحملاش الانتظار
ضمت شمس حاجبيها بحزن صادق ودعت لهما
ربنا يفرح قلبك بيهم يا حبيبتي ويرزقهم يارب ويجيبولك الحفيد اللي بتتمنيه عمران راجل قوووي وباين إن الدكتورة سكون محترمة وطيبة وجدعة وبنت ناس علشان كدة يا خالتوا خلي عندك ثقة في ربنا كبيرة إنه هيرزقهم بالخير كله بإذن الله بس كله بأوانه
لم تتفائل زينب من كلامها الذي صبرت به حالها كثيرا ثم قالت بتشاؤم يملئ نبرتها
مش باين يابتي دول بقى لهم أربع سنين متجوزين ومش
باين لهم أي علامة وأني ولا بعرف انام الليل حتى من كتر الفكر فيهم
مطت شمس باستنكار لتشاؤمها ثم طمئنتها
ياطنط ماما دايما كانت بتقول لي مبيخلاش من عند الله رزق ومبيمنعش إلا علشان يدي ويجبر بالكتيير قووي جبر يتعجب له أهل السما و الارض
يعني عندك أنا مثلا دلوقتي مطرودة ويتيمة من غير أب ولا أم ولا أخ وعمي ظالمني بس دايما بقول أكيد ربنا له حكمة في كدة
واسترسلت وهي تحلم بمستقبل أفضل
وبالرغم من كده بحاول اصحي وأعيش يومي وأنفض عن دماغي همي اللي عايشة فيه وتصوري إن محاولة خط في جت لمصلحتي قووي عمي كلمني وقعد يتحايل عليا أتنازل عن القضية لأن اسمه جه فيها وهيديني حقي كامل ومش هيقرب لي تاني بس أنا لسة مستنية أخد رأي أبيه ماهر علشان هو المتكفل بقضيتي كلها يعني بالمختصر يا أمي رب ضرة نافعة
ابتسمت زينب لكلامها ونظرت إليها بحالمية لرجاحة عقلها التي استشفتها من طريقة كلامها وهدوئها واستكانتها
والله يابتي إنتي عنديكي عقل زين ووشك كيف النسمة وكلامك كيف البلسم اللي هيرطب على قلب الواحد وينسيه همومه وكلك على بعضك حلوة قوووي وتستاهلي زينة الشباب كلاتهم ومحبتك دخلت قلبي ومهخلكيش تمشي من اهنه واصل إلا لما أطمن عليكي مع إللي يستاهلك ياحلوة إنتي ياقمرة
ابتسمت لها شمس ثم شكرتها بامتنان على كلامها
شكرا ياطنط على كلامك الجميل واحتوائك ليا شكل مايكون ربنا بعتك ليا علشان كنت في الحالة اللي أنا فيها واللي حصل لي كنت هتمنى المۏت بس أكيد اللي حصل لسبب عند ربنا هو الأعلم بيه بس معنديش شك إن كله خير
دق قلب زينب بسعادة فكلام شمس لها أسعدها كثيرا ثم ربتت على ظهرها بحنو لتقول بمغزى وهي تتفحصها بإعجاب من أعلى رأسها إلى أخمص قدميها
أكيد طبعا في سبب والسبب هيوبقى خير لينا كلاتنا يازينة البنتة بس انتي ربنا يعافيكي وتوبقى بخير
ايه يا أستاذ فارس رحت هناك وقلت عدولي ولا جبت لي طلبي اللي بعتك علشانه هو مش كان اتفاق بينا وانت وافقت وعشمتني ورحت قعدت تحب لي هناك وبتلف ورا الدكتورة بنت البواب وطنشتني خالص
تأفف فارس بضيق شديد على إصرار والده فيما يريده ثم هتف برفض قاطع
انسي اني اعمل لك اللي انت عايزه او ان انك تستخدمني زي عروس الماريونيت تحركني على كيفك في الأعمال اللي انت عايزني اعملها دي يستحيل يا عماد يا الفي اكون نسخة تانية منك
تنهد بقوة فأغلقت عيناي فارس من هول زفيره الذي وصل إلى أذنه ثم ألقى على مسامعه بصوت هدر
طب وراس عبير أمك الله يرحمها مطرح ما راحت وسابت لي عيل خيخ زيك مش عارف يلم أعصابه شوية ويسترجل ويحافظ على اللي انا بنيته ومش هسمح لك تهده يا بن عبير
عثت في جوفه حربا أشد من أن يتحكم بها ومن أن يقاومها ما إن أتى بسيرة والدته الحبيبة العزيزة إلى قلبه ودخل الآن دوامة فارس المنفصم وهو ينهاه بصوت أجش مفحم بالغلظة
قلت لك مېت مرة ما تجيبش سيرة أمي على لسانك تاني
اقول لك على حاجة أحسن انت تنساني وتطلعني من حياتك ومش عايز منك ولا فلوس ولا مستشفيات ولا حتى اسمك عايزه انا كرهتك وکرهت اسمك وکرهت حياتي كلها بسببك ابعد عني يا عماد
اندلعت ثورة الڠضب من عماد وهو يستمع إلى كلمات ابنه اللاذعة له وهدده بثقة
احترم نفسك وانت بتتكلم معايا يا ولد واعمل حسابك انت مش هتمشيني على كيفك ولا حتى نفسك هتمشي على كيفك
يا اما وشرفي اللي ما بحلف بيه كده چثة امك اللي انا مجمدها تحت ايدي هعمل فيها اللي على كيفي واللي انت عارفه كويس قوي
أدمعت عيناي فارس عندما ذكره بجثمان والدته الذي مازال تحت قبضة يد أبيه وهو يريد أن يسابق الريح ويذهب إلى ذاك العماد ويشق ضلعه بخنجر مسمۏم ويتخلص منه ومن أذاه وهتف بنبرة ذليلة لذاك القلب المتبلد المتحجر
انت ايه يا شيخ قلبك ده قلب حجر انت اصلا مش بني ادم ولا تنفع تكون اب ولا كنت ليها زوج وراجل !
هو جسمها ناقص حرام عليك مش كفاية ان انت ما دفنتهاش لحد دلوقتي انت عايز توصلني اني اڼتحر واسيب لك الدنيا كلها واشبع بيها بقى يا عماد
ض رب عماد بقبضة يده على مكتبه وصاح به محذرا إياه
طب اعملها كده يا ابن عبير او جرب بس وشوف هعمل ايه في چثة امك ده انتحارك ده هيخليني ما ارحمهاش وانت فاهمني كويس قوي
تلاحقت أنفاس ذاك الإبن المقهور وأصبح الآن يشعر بالاختناق الشديد وأنه على مشارف المۏت بسبب النقاش اللاذع الذي
حصل بينه وبين أبيه عديم الرحمة ثم اصر على رفضه
اعمل حسابك مهما عملت مش هعمل اللي انت عايزه مني الناس هنا غلابة قوي ابعد عنهم بشرك وكفاية الميغة اللي
متابعة القراءة
