اسكريبت الورث بقلم هنا سلامه

علي مفيش غيرة من غير حب دة مرض بقى مرض.. أنت شايف إني بتاعتك.. مش.. مش.. 
مقدرتش تكمل ودموعها نزلت وقالت بصوت مهزوز مش حبيبتك يا علي. 
مر.. 
قاطعته بضيق وهي بتمسح دموعها مش عاوزة أتكلم. 
إتنهد بضيق ودور العربية والهواء كان شديد لدرجة إنها نامت من مضايقتها وحزنها.
بص عليها لقى إيدها بتتحرك صوابعها بتترعش ف إتنهد بآسف ومسك إيدها جامد وهو بيوقف العربية قدام البيت.. 

وجواه مېت شعور.
القاعدة الرابعة " الخۏف. "
بنخاف نعبر بنخاف نحكي بنخاف نهزر بنخاف نكون على طبيعتنا بنخاف نعترف.. نعترف بالحب ! 
الحب شعور أجمل من إنه يخالطه رهبة أو خوف لإن الحب أمان والأمان مستحيل يصاحبه خوف !
صباح الخير. 
مردتش عليه ودخلت المطبخ ف إتنهد ودخل وراها وهي بتفتح التلاجة وقال بتردد بصي كان ڠصب عني أنا مش مريض ولا حاجة.. أنا بغير لإني راجل وأنت مراتي وبنت عمي حتى لو مش بنحب بعض ف.. 
لفت له وقالت بسماجة في حاجة إسمها غلطت أتآسف مش أماطل.
آسف. 
قالها ببساطة ف قالت بتنهيدة تمام قهوة 
قهوة. 
سند على الرخامة وهي وقفت تعملها ف قالت پتخاف إية أكتر حاجة 
ضحك ف إستغربت ف قال شكلك متوترة قولتي السؤال غلط. 
أنت دقيق أوي. 
وأنت عشوائية أوي. 
قال كدة وهي بترمي المعلقة على الرخامة ف إتوترت وقالت بس المفروض مخافش أكون على طبيعتي معاك المفروض مخافش معاك أصلا من حاجة. 
غمضت عينها بغيظ من نفسها غبية ومدلوقة كمان. 
قرب وهو بيمسك إيدها ف جسمها إتهز ف إتلاقت عيونهم وهو بيحط الكنكة إلي في إيدهم سوا على الڼار وقال ببساطة وأنا مش بحبك تخافي وبحب طبيعتك على فكرة.
القاعدة الخامسة " الوقت "
هتلاقي الوقت مر بسرعة البرق مع حبيبك وكإن الزمن الجميل بفلوس.. واللحظة الحلوة لازم ندفع تمانها دموع قانون الحياة بيقول حاجتين ملهومش تاني. 
الزمن بيمر عمره ما بيرجع " بمرور الزمن " عشان كدة ولا لوم هينفع ولا دموع هتفرق على إلي فات. 
والتانية إن الحب مستحيل يقل أو يختفي لو كان فعلا حقيقي.
مر 3 شهر مبقاش فاضل غير إسبوع بس عشان كل واحد فيهم ياخد فلوسه في إيده عشان يطلقوا.. والغير متوقع إن الإسبوع فات في لمح البصر. !
كانت مريم قاعدة في الأوضة باصة في السقف وعيونها مليانة دموع عملت قواعد كتير الفترة إلي فاتت بس لسة معترفش ! 
خلاص هي دي النهاية نهاية الحدوتة حتى مش المفروض تبقى بداية 
بداية لبيت جديد دافي لمريم وعلي ! 
كل إلي حصل كان بيمر قدام عينها ودموعها بتنسج المشاهد بكل ۏجع.
تيجي تقرأ معايا 
بغمزة نقرأ الفاتحة 
على روح الماما بتاعتك ولا إية يا خبيبي
ضحك وقرب عليها وهو بيقول بفضول مش عارف إية الحلو في الورق دة كلام وحروف وإتربطوا تضييع وقت. 
بالعكس دة أكتر حاجة تدخر فيها وقتك مشاعرك كل شيء حلو. 
بصي أنا خلقي ضيق