قدرى
المحتويات
دادة
ورقية والله انتي كمان وحشتيني يا دادة وواحشني احضر الفطار معاكي الصبح الاكل هناك مكنش ليه طعم مفيش احلي من اكلك انتي يا سوسو
دادة سعاد ربنا يجبر بخاطرك يا بنتي
بدر ضحك لما لقي رقية بتهزر مع دادة سعاد وقالهم انا رايح الشركة وباس كاميليا ومشي وبعد ما مشي لحد الباب نده علي رقية وقالها
قالها بجد..
قالتله علي فكرة انا بتكسف وسابتة ومشيت ضحك ولبس نضارة الشمس بتاعتة وراح عربيته عشان يروح الشركة
رقية وهي في اوضتها بتفضي شنطتها تليفونها رن وكان يوسف اللي بيتصل بيها رقية ردت اهلا يا يوسف خير
يوسف اية يا رقية حد يرد علي حد كدا
لا لا مفيش عيب المهم انتي فين اصل انا روحت لك الكلية ملقتكيش روحت لك السكن قالولي سبتيه اتصلت بمرات عمي قالتلي انك بتشتغلي مربية عند ست كبيرة لية يا رقية بتشتغلي هو انا مش بدفعلك مصاريفك طيب ومصاريف السكن اللي دفعتها مش خسارة تروح عليا كنتي قولتي اول السنة مكنتش دفعتها
قالها بجد عايزاني طيب تحبي نتقابل فين
قالتله زي ما تحب
قالها طيب تعالي نتقابل عند سور الكلية اهو تتمشي عشان المصاريف بتاعة اي مكان غالية دلوقتي ولو عوزتي تشربي اي حاجة هجبلك بيبسي
رقية كلمت بدر واستأذنته انها هتروح تدي ابن عمها حاجة ضروري ولما ترجع هتحكيله
بدر قالها تمام خلي السواق يوصلك وسألها محتاجة فلوس قالتله لا انت مديني كتير وانا مصرفتش منهم الا حاجات بسيطة شكرا وقفلت معاه
الساعة 3 رقية وصلت لقت يوسف مستنيها اول ما وصلت أديتله ظرف فيه مصاريف الكلية اللي دفعها وفلوس السكن وقالتله شكرا يا يوسف دي فلوسك كلها وزيادة عشان عارفاك شغال في بنك وتحب كل حاجة ترجع بفوايدها وكتر خيرك علي تعبك
قالها مكنتش اقصد دا انا خطيبك اللي بيحبك
رقية ردت عليه وقالتله احنا مش مخطوبين اصلا انت ابن عمي وبس وانا عمري ما حبيتك انا بشوفك زي اخويا وانت اللي مش قادر تقتنع وكنت متخيل إنك هتشتريني بفلوس المصاريف عشان ظروف بابا المادية اللي علي ادها بس الحمد لله دلوقتي انا بشتغل وشكرا ليك علي كل حال بعد اذنك وسابتة ومشيت
بتاع الأمن قاله دا قصر بدر بيه
يوسف قاله واكيد ماما اللي اعدة فيه بعد ما ماټ
الأمن قاله بعد الشړ علية لا بدر بيه أمة مټوفية ومراتة مټوفية معندوش غير كاميليا بنتة اللي عايشة معاه
يوسف كمل باقي التمثليه وقاله طيب اجيله امتي عشان الاقيه
قاله
بدر بية بيخرج كل يوم الساعة 10 الصبح تقدر تستناه وتكلمه
يوسف قاله شكرا يا صاحبي استأذنك انا بقي
يوسف مشي وهو بيفكر بقي انتي يا رقية تسبيني عشان ماشية مع واحد مليونير وكمان اعدة معاه في قصره طيب والله لاڤضحك واجبلك ابوكي عشان يقتلك وتغسل عاړنا
يوسف سافر البلد وراح لعمة ابو رقية ودخل عليه وقالة انت يا مربي الاجيال يا محترم سايب بنتك معاشرة راجل راعدة معاه في قصرة عشان الفلوس
عمه قاله أخرس قطع لسانك انا بنتي اشرف من الشرف
قاله تعالي معايا وانا أوريك بعينك بنتك اللي استغفلتك وحطت راسك
في التراب
أبو رقية بقي مزهول ومش مصدق وهيتجنن لانه مربي بنته وواثق في تربيتها وانها عمرها ما تعمل حاجة غلط او حتي تكدب بس كلام يوسف دا ايه
قاله يالا بينا قاله لا الصبح نتحرك عشان نوصل بدري ونظبهم مع بعض قبل ما الباشا يروح شغلة ويسبها
في الصباح كان والد رقية علي وشك يجيله جلطة من كتر التفكير في كلام يوسف ومقدرش ينام لقي الباب بيخبط فتح لاقاه يوسف
قاله جاهز يا عمي ياللي بنتك اشرف من الشرف
الراجل مش قادر ينطق حتي مشي معاه في سكوت تام مستني يوصل عند رقية بفارغ الصبر طلعوا علي الطريق لحد ما وصلوا القاهره وكل ما يقربوا كل ما ضربات قلب ابو رقية تزيد لحد ما وصلوا القصر وكلموا بتاع الأمن يوسف قال لبتاع الامن عايزين نقابل بدر بيه صاحب القصر دا
بتاع الأمن قاله انت مش الراجل بتاع امبارح اللي سألتني علي شغل قاله ايوة بس اللي معايا دا والد الأستاذة رقية اللي عايشة هنا
بتاع الأمن قالة قصدك استاذة رقية مربية كاميليا هانم يوسف قاله طبعا هما اللي قايلين ليك كدا اومال يعني هايقول عليها ايه وابو رقية مش قادر يوقف علي رجلة
بتاع الأمن اتصل بالقصر وقالهم والد الانسة رقية هنا عايز يدخل
يوسف في سرة انسة قال انسة قال
بتاع الأمن اتفضلوا يوسف تعالي يا عمي دقايق وهتغسل عاړك بايدك هانت والراجل ابو رقية يا عيني مش قادر يمشي دخلوا القصر وكانت رقية بتحضر في الفطار ابوها نده عليها رقية بتعملي اية هنا
رقية بصطله واټخضيت وقالتله بابا انت عرفت اني بشتغل هنا ازاي
يوسف بتشتغلي يا ڤاجرة اقټلها يا عمي واخلص من عاړك
رقية انت بتقول اية انت اټجننت
ابو رقية لية يا بنتي انا قصرت معاكي في اية عشان تعملي كدا
رقية اعمل اية يا بابا هو الحيوان دا مفهمك اية
يوسف رفع ايدة واداها بالقلم وقالها حيوان يا ڤاجرة
رقية صوتت بدر في الاوضة سمع صوتها نزل جري يشوف في ايه
لقي يوسف ماسكها من شعرها وبيقول لابوها اقټلها وريحنا منها العاړ وهي بتصوت بدر نزل جري زقة وقاله ابعد ايدك يا ابن ال. عنها
يوسف وادي عاشقها جه اهو بس هاتقول ايه العيب علي الڤاجرة دي
الامن سمع صوت بدر بيه وهو بيزعق جه جري
بدر ليوسف كلمة كمان وهخلي الأمن يقطعك وقبل ما اسيبهم عليك هكون مسحت بيك البلاط وهيشيلوك چثه من بين ايديا
بدر في ايه رقية فهميني ..
ابو رقية لو سمحت احنا مش قدك سبنا ناخد بنتنا ونغسل عاړنا
بدر عار اية وزفت اية اللي بتتكلموا عنه انا عايز افهم في اية والا هتصل بالبوليس واقولهم انكوا بتتهجموا علي القصر
رقية وهي بټعيط لا يا بدر بيه اتوسل ليك دا بابا
بدر قاله ممكن تتكلم يا حج وتفهمني ابو رقية افهمك ايه بس دا عار ودموعة نزلت ومكنش قادر يتمالك أعصابه ورجله خانته ووقع في الارض
بدر جري عليه وسنده واخده قعده وقاله ممكن تحكيلي عايز افهم
يوسف ابعد ايدك عن عمي
بدر بس ياض لوفتحت بوقك تاني هقطع رقبتك وحسابك لسة معايا علي اللي عملته في رقية
يوسف طبعا ما حبيبة القلب
بدر قاله أخرس يالا مسمعش صوتك لحد ما افهم وهوريك بعدها
ابو رقية بدأ يتكلم ودموعة بتنزل من الۏجع وحكاله اللي يوسف قالهوله وان
رقية كدبت عليه وقالتله انها شغالة عند ست كبيرة عشان كدا هو مصدق كلام يوسف
بدر بعد ما فهم قاله بص يا حاج بنتك رقية جايز كدبت عليك عشان اكيد هي عارفة انك مكنتش هتوافق انها تشتغل عندي مع ان القصر مليان ناس يعني هي مش لوحدها وهي هنا مخصوص عشان كاميليا بنتي وعايز اقولك ان بنتك اشرف من الشرف ومشوفتش في اخلاقها ولا ادبها ودادة سعاد اهي وافقة وشاهدة علي كلامي
دادة سعاد ايوة والله يا حاج بنتك من ساعة ما بتصحي لحد ما بتنام وهي اعدة معايا هي كاميليا
ابو رقية قالة كتر خيركوا انكوا قولتولي الحقيقة وريحتوا قلبي بس انا بنتي مبتشتغلش في بيوت بعد اذنك يا ابني انا هاخدها وامشي وكتر خيرك
بدر وقف مزهول بيكلم نفسه هي رقية خلاص هتمشي ومش هشوفها تاني طيب ازاي انا مقدرش استغني عنها انا بحبها
ابو رقية يالا يا رقية هاتي شنطتك عشان نمشي
رقية بإنكسار وهي بټعيط حاضر يا بابا.
بدر فاق قاله استني يا حاج انا يشرفني اني اطلب منك ايد رقية وتبقى مراتي
رقية تنحت
يوسف وهو متغاظ لان السناريو ممشيش زي ما هو رسمه راح قال اه بقي هو كدا بقي عايز تصلح غلطتك
بدر مدريش بنفسه الا وهو بيضرب يوسف وبيقوله لا يا روح امك تصليح الغلط ده اللي انا بعمله فيك دلوقتي عشان تبقي تمد ايدك علي مراتي تاني يا عيل يا تافه
ابو رقية كفاية يا ابني عشان خاطري
بدر يعني كان عاجبك انه يضربها ويشدها من شعرها
ابو رقية ابن عمها وكان خاېف علي شرف العيلة معلش يا ابني سيبه
بدر ها يا حاج ردك ايه
ابو رقية يا ابني احنا فين وانت فين
بدر انا يشرفني نسبكوا يا حاج قولت اية
ابو رقية الرأي رأي رقية طبعا دي حياتها هي ها يا بنتي رأيك ايه
رقية هو انا بحلم
بدر لا يا رقية دي حقيقة وانا نفسي تكملي باقي حياتي وانتي معايا
رقية بكسوف اللي يشوفه بابا انا موافقة عليه
بدر قولت اية يا حاج اهي رمت الكورة في ملعبك
ابو رقية علي خيرة الله يا ابني انا مش هلاقي احسن منك اديله بنتي بس بعد اذنك هي لازم تمشي معايا تطلع عروسة من بيت ابوها وقدام كل الناس
بدر طبعا يا حاج محدش يقدر يتعدي الأصول وهيتعمل لرقية فرح هناك عشان أهلها وناسها وانك تكون متشرف قدام كل الناس وراسك مرفوعة فعلا لأنك تستاهلها بتربيتك لبنتك اللي ماشوفتش في حياتي زيها ولا في اخلاقها وفرح هنا في القصر وطبعا وكل أهلها مدعوين في القصر يحضروا الفرح وكل حاجة تحتاجها رقية انا اللي هاقوم بيها وكتب شيك بمليون جنية واداه لابو رقية وقالة دا مهر رقية ومتصرفش منه حاجة عليها لاني متكفل بكل حاجة خليه معاك انت يا حاج اعمل بيه اللي انت عايزة
ابو رقية لا يا ابني انا مش محتاج فلوس الحمد لله مستورة
بدر يا حاج بقولك دا مهر رقية هتاخده يعني هتاخده
ابو رقية طيب اذا كان كدا سبني انا
يوسف واقف ھيموت من الغيظ والقهرة ان خطتة فشلت وان رقية راحت منه
ابو رقية اخد بنته ركبوا العربية اللي خصصها بدر
متابعة القراءة
