رواية كارمن الفصل الرابع بقلم ملك إبراهيم
إلى غرفته بالمشفى كما اعتادت ان تفعل كل يوم أخبرته الممرضه انها تركت المشفى وذهبت مع والدتها في الصباح الباكر. خبر ذهابها من المشفى كان صاډم له. لم يستطيع البقاء في المشفى بعد ذهابها قرر العودة إلى منزله اتصل على صديقه خالد وطلب منه ان يأتي الي المشفى ويأخذه الي المنزل.
وصل المنزل واعتقد ان عودته ستكون مفاجأة لعائلته لكن المفاجأة الكبرى كانت من نصيبه دلف المنزل وهو يستمع الي صوت مشاجرة بين عائلته وقف يتطلع اليهم پصدمة والدته كانت تجلس على احد المقاعد وتبكي وشقيقته تقف بجوار والدتها وتربت على ظهرها وتبكي هي الأخرى على الجانب الاخر كان يقف والده بوجه متهكم وجده يجلس ويخفض وجهه پصدمة وحزن اقترب منهم پصدمه وتحدث بقلق
استمعت والدته لصوته رفعت وجهها ونظرت اليه بعيناها الباكيه وقفت سريعا وركضت اليه وهي تبكي وتصرخ قائلة
رشيد.. شوفت باباك عمل فيا ايه.. معقول انا استحق ده منه بعد العمر ده كله!
فتح ذراعه واخذ والدته في عناق بحماية صدح صوت والده قائلا پغضب
انا معملتش حاجة تغضب ربنا انا اتجوزت على سنة الله ورسوله.. انتوا بتحسبوني علي ايه انا راجل والشرع محللي اتجوز اتنين وتلاته واربعه!
بس انت مش ناقصك حاجة يا وجيه عشان تتجوز على مراتك اتنين وتلاته واربعه.. وبعدين مين دي اللي انت اتجوزتها وازاي واحدة محترمة تقبل انها تتجوز راجل متجوز وعنده عيال علي وش جواز.. انت ازاي مفكرتش في عيالك وانت بتعمل المصېبه دي!
كان فاكر اننا مش هنعرف اتجوز وسافر يقضي شهر عسل ومفهمنا انه كان مسافر في شغل!
لم يصدق رشيد ما يسمعه كان ينظر إلى والده پصدمة جلس الجد مرة اخري وخفض وجهه يفكر قليلا رفع وجهه ونظر الي حفيدته وتحدث اليها بأمر
خدي مامتك يا رهف واطلعوا انتوا على فوق.
صدح صوت والدة رشيد بصړاخ
نظر اليها زوجها پصدمة تحدث اليها والد زوجها بتأكيد
التانيه اللي هتطلق مش انتي يا ماجدة.. انتي مراته وام عياله انما التانيه مش اكتر من نزوه وهو لازم يفوق لنفسه ويصلح غلطته.
ارتفع صوت الجد مرة
اخره بصرامه
يلا يا رهف.. خدي والدتك واطلعوا على فوق.
اقتربت رهف من والدتها واخذتها وصعدت معها الي الطابق العلوي من المنزل. وقف رشيد وهو يحاول استيعاب ما يحدث انتظر الجد نور الدين الجبالي حتى صعدت حفيدته ووالدتها الي الأعلى ثم تحدث الي ابنه بصرامة
خفض وجيه والد رشيد وجهه وتحدث بتلعثم
يا بابا انا راجل ومن حقي....
قاطعه والده بصرامة
انت مش من حقك اي حاجة.. ولادك دول هما اللي من حقهم انهم يرفعوا راسهم وسط الناس.. تقدر تقولي مين اللي انت اتجوزتها دي!
نظر رشيد الي والده بترقب تحدث وجيه بتوتر
ست حبتها واتجوزتها.. فين المشكله
الملف ده فيه المشكله كلها الملف ده فيه كل المعلومات عن النصابه اللي انت اتجوزتها. انت عارف الهانم اتجوزت قبلك كام مرة.. طب عارف كام واحد اتجوزته واستولت على فلوسه كلها وسابته ازاي تحط اسمك وسمعتك بين ايدين واحده زي دي!
يتبع...
اكيد عرفتوا وجيه الجبالي والد رشيد اتجوز مييييييين
متنسوش التفاعل ب لايك وكومنتات كتير يا بنات على البارت عشان الجديد يوصلكم
