قسمة ونصيب بقلم زهرة الربيع
يتكلمو سوا
قسمت نزلت ودخلت المطبخ بقت تجهز لهم ضيافه مع الخدم
وامجد كان بيتكلم مع برهان وقال..بص ياسيدي قبل ما اسافر روحت الارياف في عزبة جدي قعدت فتره وكانت فيه بنت جميله هناك كل يوم ترعى اغنامهم بجد البنت دي رقيقه وجميله انا وعدتها اني لما ارجع هروح اخطبها وانا اصلا بحبها ومش قادر انساها عايزك بقى تيجي معايا نخطبها لان اهلي رافضنها علشان من الارياف وكده
وقال...تفكير عقيم..انا نفسي كنت بفكر كده لحد ما ربنا هداني.. جاي معاك متقلقش انا اصلا يمكن اعرف اهلها لان على حسب وصفك هيه من نفس بلد مراتي
امجد قال بسرعه..هيه فين مراتك صحيح...متعرفناش يعني
برهان نادى لقسمت وقال..قسمت...قسمت تعالي
امجد قال بهمس..قسمت
قسمت اخدت العصير ودخلت وهيه عيونها في الارض وحطتو على الطاوله وبرهان بيقول...سلمي على امجد يا قسمت
بقم يبصو لبعض پصدمه وامجد عيونه اتملت دموع
برهان استغرب نظراتهم وفكر شويه لما قسمت قالتلو ان الشخص الي بيحبها وبعت الجواب غايب من سنتين وامجد حكالو كمان انو بيحب بنت قبل ما يسافر من نفس بلد قسمت وقف بسرعه وهو پيلعن غبائو وقال...هو فيه ايه...حد يفهمني
امجد مسكو من قميصه پغضب وقال..انت ..انت ازاي تعمل كده اتجوزتها ليه...ليه
برهان قال پغضب ..اهدى يا امجد ..ده نصيب وقسمت خلاص بقت مراتي ..وياريت تنسى موضوعها لو عايز نفضل صحاب
برهان حاول يناديه ويفهمو انو مكانش يعرف بس مشي بسرعه...بص لطيفه پغضب وطلع على الاوضه ورا قسمت بسرعه وهو هينفجر من الڠضب والغيره
في الاوضه كانت قسمت بتلطم على خدودها وبتقول يامصبتي ازاي طلع صاحبو يادي المصېبه السوده ده انا ما صدقت انو اتعدل معايا
قسمت بصتلو پخوف من عصبيتو وقالت...لا لا ابدا..ابدا والله هو هو كان فعلا بيقولي انو بيحبني وانو لما يرجع من السفر هيتجوزني بس انا عمري ما حبيتو ولا فكرت فيه حتى ابدا والله
قسمت بقت تبكي بقوه وقالت باڼهيار وزعيق...لا لا والله..انا انا ببعد عنك من معاملتك دي ..انت جريت كل حاجه فعلا...جربت كل حاجه الاهانه والڠضب والتجريح وبس
بس مجربتش مره المعامله الكويسه..مجربتش تقولي انا مكنتش اقصد يا قسمت..او انا بحبك وعايزك..عايزك زي ما انتي ..ميفرقش معايا اني غني وانتي
فلاحه..مش فارق معايا الغلطه الي عملتيها بدون قصدك انا عايزك يا قسمت.. مقولتش حاجه يا برهان مقولتش
وبقعدت على السرير وبقت تبكي جامد
برهان اتملت عيونه دموع وقال...بس انا..انا عديت كل ده..وبقيت كويس معاكي ووعدتك ادي نفسي فرصه وقر ب وقال.. اتغيرت وغيرت كل حاجه حتى افكاري..وكلو علشانك...انتي..انتي كنتي بتكدبي عليا لما قولتيلي انك مبسوطه قوي بوجودك معايا..وانك..وانك نسيتي كل الي انا عملتو وهنبدأ من جديد
قسمت قالت بدموع..لا لا مكدبتش كنت عايزه اعمل كده...بس انت انت برضو رجعت تهني وتتهمني اني ..انا ذمبي ايه ان فيه شخص حبني ذمبي ايه..تقولي كده...وكملت بالم وقالت...كنت اتمنى اسمع منك كلمه حلو ..كنت بتمنى تطبطب عليا وتقولي اي حاجه تحسسني انك بتحبني
برهان قرب منها وقال بدموع..طب لو انا قولت كده... هتكوني معايا...هتنسي ..هتحبيني زي ما انا يا قسمت
قسمت نزلت عيونها بدموع ولسه هترد قال بسرعه..طب انا مش بحبك يا قسمت ...انا بعشقك...انتي بتمشي في دمي من اول لحظه..حاولت...حاولت اهمشك في حياتي واقول دي مش من مستواك..حاولت اقتع نفسي انك السبب في مۏت نرمين..حاولت اعمل اي حاجه تمنع قلبي الواطي ده من انو يعشقك..حاولت اسلسلو اجبرو..بس مفيش فايده...بعشقك بكل نبضه فيه...قلبي..قلبي وجعني قوي لما شوفتوكو بتبصو لبعض كده...انا ..انا موجوع او غييران او بمۏت يا قسمت.. فيه حاجه ممكن اقولها اكتر من كده تثبتلك حبي
قسمت قربت منو بزهول وهيه مش مصدقه وبقت تبص لعيونه بقوه وعشق واضح وقالت
..وانا مش عايزه اكتر من كده...كفاره يا جدع
برهان بصلها وضحك بخفه وقال...يعني..يعني بجد عيزاني
قسمت قالت برقه ..لا..لا مش بس عيزاك...عيزاك وعشقاك..ودايبه في عيونك..انا بعشقك يا برهان ومش عايزه غير اننا نطوي كل الي فات ونعيش انا وانت وبس نفسي استقر معاك واخلف طفل يشبهك
برهان ابتسم بسعاده وقال ..انا عايزك تعشقيني مش بس تحبيني
قسمت بصت لعيونه وقالت...بس انا عشقت من زمان
برهان قال بحب....هعيش الباقي من عمري ليكي وعلشان اعوضك عن كل حاجه ...وعد يا قسمتي
كنتم مع قسمه ام نصيب بقلم زهرة الربيع دمتم في امان الله مع من تحبون
