للكاتبة أية عرفات
المحتويات
ومريم
مريم صحيت من النوم خدت شاور وطلعت من الحمام بشعرها المبلول قعدت قدام ادهم وهو نايم وفضلت تهز في شعره و ترش على ادهم وهو نايم
ادهم صحي من النوم مكتفها في حضنه ادهم حد يعمل كده في حبيبه
مريم انت بقالك كتير نايم وانت فعلا وحشتني
ادهم يعني لما بنام بوحشك
مريم اه والله بتوحشني
مريم انت بتوحشني
وانت معايا اساسا
ادهم يالهوي على الكلام الحلو حد يصحى على كلام حلو زي ده
مريم طب يلا قوم عشان تروح الشغل
ادهم بصراحه حد يسيب القمر اللي على الصبح ده ويروح الشغل بقولك ايه ما تيجي جنبي
مريم قامت من جنبه وبعدت عنه
مريم بقولك ايه انا بقولك قوم روح الشغل يلا
مريم افضل احلم كده كتير ده عشان ابليس في الجنه
ادهم ماشي الايام بيننا يا حلو انت
ادهم دخل الحمام وسمع مريم وهي بتكلم مامتها في التليفون
الام كل سنه وانتي طيبه يا نور عيني النهارده عيد ميلادك
مريم صح النهارده عيد ميلادي انا بجد كنت ناسيه ربنا يخليكي ليا يا احلى ام في الدنيا
مريم والله وانتي كمان وحشتيني اوي يا ماما معلش يا ماما هاخد بس الاجازه بتاعتي وهاجي اقعد معاكم اسبوع انا وادهم بس عشان ادهم مشغول ويوسف وراه امتحانات
الام واختك عامله اي مع جوزها
الام ربنا يهدي سركم يا حبيبتي وخلصوا اللي انتم بتعملوه وتعالو اقعدوا معانا اسبوع انتي وجوزك واختك وجوزها
مريم حاضر يا ماما وشكرا انك فاكره عيد ميلادي
الام ده كان احلى يوم في عمري ي مريم
مريم ربنا يخليكي ليا
مريم قفلت التليفون ورجعت سرحت شعرها ادهم طلع من وراها وحضنها قدام المرايه
مريم ايه ده انت كنت سامع
ادهم اي حاجه تخصك لازم اسمعه عارفه ليه
مريم ليه بقى ان شاء الله
ادهم عشان انتي بقيتي تخصيني بقيتي حته مني
مريم افضل اتكلم كده كتير لحد ما الكلام هياخدنا وهتتاخر على الشغل ادهم على الكرسي وشده وقاعده على رجله
مريم ممكن تاجل الكلام ده بالليل وتروح على الشركه
ادهم فضل يبصلها وهي قاعده على رجله وفجاه الباب خبط جت عشان تقوم تفتح الباب شده وقعده علي رجله تاني
ادهم اقعدي ما تقوميش
ادهم ادخل يلا بره
سهام دخلت الغرفه وشافت مريم قاعده على رجله ادهم وعمالين يبصوا لبعض
سهام انا اسفه بس انا ما كنتش اعرف انكم قاعدين كده
ادهم وهو بيبص لمريم
ادهم خير يا امي في حاجه
سهام الفطار جاهز حاولت ارن عليك انت واخوك وتليفونتكم مقفوله يلا جهز نفسك وانزل لحد ما اصحي اخوك
ادهم ماشي سهام خرجت من الغرفه عند ادهم وډمها محروق ومش عارفه تعمل ايه خبطت الباب على يوسف ساره كانت في حضڼ يوسف
ساره قوم شوف مين اللي بيخبط
يوسف لا مش عايز اسيب حضنك
ساره لازم تقوم تشوف مين ما ينفعش كده
يوسف اللي بيخبط شويه وهيزهق وهيمشي
ساره هتقوم تشوف مين ولا انا اقوم اشوف
يوسف طب ثانيه واحده
يوسف مين اللي على الباب
سهام انا يا حبيبي
يوسف دي ماما ادخلي يا ماما
سهام دخلت وكانت ساره في حضڼ يوسف حاولت تقوم من حضنه لكن هو مكتفها تحت البطانيه
يوسف نعم يا ماما في حاجه
سهام بغيظ لا ما فيش الفطار جاهز يلا عشان تنزل تفطر عشان تشوف هتعمل ايه
يوسف تمام يا ماما روحي انتب وانا و ساره هناخد شاور وهننزل على تحت
سهام ماشي ما تتاخروش سهام طلعت وډمها محروق اكتر من ناحيه ادهم ومريم ومن ناحيه يوسف وساره ما كانتش عارفه ان الامور هتوصل بينهم لكده
ساره انت بجد احرجتني
يوسف هو اللي دخلت علينا حد غريب دي امي
ساره بس برده حتى لو مامتك ما ينفعش تخش علينا بالشكل ده
يوسف الحاجه اللي ما تنفعش اني انا اسيب حضنك
ساره يعني تقدر تقول انك انت عمرك ما هتبعد عني
ابدا
يوسف ده اللي يدوق الحلويات دي عمره ما يسيبها
ساره طب يلا عشان ننزل نفطر عشان مامتك ما تعملش مشاكل
يوسف شال ساره وډخله الحمام
ساره انت هتعمل ايه
يوسف هناخد شاور مع بعض
ساره لا طبعا اطلع بره
يوسف انا قلت هناخد شور يعني هناخد شاور
ساره وانا قلت لا
يوسف طب تمام تعالي بقى على السرير عشان عايزك في موضوع
ساره لا انا بهزر يا حبيبي طبعا لازم ناخد شاور مع بعض
مريم وادهم نزلوا ماسكين في ايد بعض وقعدوا على السفره
احمد صباح الخير يا حبايبي
ادهم صباح الخير يا بابا
مريم صباح الخير يا عمو وفجاه برده يوسف وساره نازلين ماسكين في ايد بعض
سهام بصوت عالي هو ايه عالم سمسم اللي احنا عايشين فيه ده كل واحد ساحب مراته في ايده ونازل هو ايه الحكايه بالظبط
ادهم حكايه ايه يا ماما اهدي بس ما فيش حاجه
سهام ما تعرفوش انتم الاثنين عملتوا ايه انا ما رضيتش اتكلم فوق بس انا هتكلم تحت قدام الكل
مريم خير يا طنط عملنا اي
سهام انت ازاي تدخليني عندك وانتي قاعده على رجل جوزك هي دي اخلاق ولا دي الادب اللي انت
اتعودتو واتعلمتو في الصعيد يا اولاد الصعيد ولا اختك الست هانم اللي انا بقول عاقله ولسه صغيره برده تدخلني اوضتها وهي نايمه في حضڼ جوزها دي اسمها قله ادب ووقاحه وانا مقبلش الكلام ده عندي لو انتم في وضع زي ده ما كنتوش قلتولي ادخلي لكن تدخلوني وتحرقوا دمي كده ما ينفعش
ادهم بصراحه مريم ملهاش دعوه مريم كانت عايزه تقوم تفتح وانا اللي قلتلها لا ما تقوميش قلت انك انتي مش غريبه يعني وانتي مامتي وزي مامتها فعشان كده ما حطيناش في دماغنا انك انتي هتزعلي يعني
مريم يا سهام هانم ده جوزي يعني انا ما بعملش حاجه غلط ولا عيب
يوسف وبرده يا ماما ساره والله ما كان عاجبها الوضع ده وزعقتلي بس انا برده قلت انك انتي مش غريبه
سهام ما هو لازم انتوا الاتنين تدفعوا عنهم انا نفسي اعرف هم عملوا لكم ايه كل واحد ما بقاش قادر يستغنى عن التاني ده انتم من شهر ونص مكنش واحد فيكم طايق وش التاني دلوقتي حبيتوا بعض وما بقتوش تقدروا تبعدوا عن بعض
ادهم وبعدين يا ماما هنفطر ولا اقوم امشي على الشركه من غير فطار
احمد اي حكايتك يا سهام عيالك انتي عارفه اني هم لسه عرايس جداد طبيعي تلاقي حاجه زي دي وانتي ايه اللي يزعلك انتي مش كانتي عروسه
سهام انا اهلي معلنمني الادب لكن انتم الادب عمركم ما شفتو
ادهم وبعدين بقى اديني سبتهالكم ومش هفطر كمان يلا يا مريم عشان اوديكب الكليه
مريم يلا يا حبيبي
مريم وادهم طلعوا على العربيه ومشيو
سهام وانت كمان يا استاذ يوسف مش هتغضب على الاكل وتقوم
يوسف دي بقت عيشه تزهق يلا يا ساره عشان اوديكي المدرسه
يوسف ساره مشيو
احمد عجبك كده مشيتي اولادك من غير فطار
سهام وانت عاجبك حالهم
احمد طبعا عاجبني حالهم انا كنت اتمنى اشوف ابني ادهم بالحاله اللي وصلها دي
سهام كل يوم عن التاني حبهم لبعض بيزيد وانا قلتلك الف مره دول عمرهم ما هيبقوا مراتات اولادي ده جواز مؤقت لازم ينتهي وانا اللي بايدي هخليه ينتهي
..............................
سهام الجواز ده لازم تنتهي
احمد بطلي الحقد والكره اللي جواكي بدام اولادك مبسوطين خلاص ابعدي عنهم
سهام اولادي عمرهم ما هيبقوا مبسوطين مع الاتنين دول
احمد مالهم الاتنين دول ولاد اخويا من لحمي ومن دمي وما اقبلش اي حد ياذيهم ولو بكلمه ولو اتعرضتي ليهم ماحدش هيقف قدامك غيري انا حطي الكلام ده في ودنك احمد سابه ومشي
سهام والله عال حتى انت كمان تمام انا بقى مش هسيبهم في حالهم يا انا يا هما
ادهم ومريم في العربيه
ادهم الجميل مكشر ليه
مريم ما فيش حاجه
ادهم على حبيبك برده
مريم لو في حاجه كنت قلته
ادهم تمام براحتك
مريم ماشي
ادهم شكلك وحش قوي وانتي مكشره
مريم برده مش هضحك
ادهم براحتك انا بس بعرفك
مريم شكرا
ادهم ما تبقيش بايخه بقى قولي اي اللي مزعلك
مريم ما فيش حاجه مزعلاني بس كلام مامتك ليا بيزعلني انا عمري ما عملتلها حاجه وحشه عشان تكلمني كده انا واختي
ادهم معلش يا حبيبتي طبيعي اي واحده بتغير على ابنها خصوصا لو بيحب مراته زي كده
مريم ابتسمت ابتسامه جميله
ادهم يا فرج الله اخيرا ضحكتي
مريم انت وراك ايه النهارده
ادهم ما فيش ورايا شغل في الشركه وبعدين هطلع على اجتماع الساعه 200 وبعدين اطلع على الشركه اني اخلص باقي الشغل اللي عندي وبعدين اطلع علي البيت
مريم يعني انت قدامك لحد العشاء على ما ترجع
ادهم لا ما تخافيش قبل كده ان شاء الله وانتي هترجعي امته
مريم ممكن اتاخر شويه بعد الكليه هخرج انا وصحابي نشتري كتب ومراجع يعني قدامي للمغرب
ادهم خالي بالك من نفسك
مريم حاضر حاول ما تتاخرش
ادهم ايه بوحشك
مريم لا طبعا ما بتوحشنيش بس عشان
انا بخاف عليك
ادهم حاضر يا حبيبي انا مش هتاخر
وصلوا لحد الكليه ومريم نزلت ودخلت الكليه
ادهم خد العربيه ومشي تليفون ادهم رن
ادهم ايه يا جاسر يا حبيبي عامل ايه
جاسر اي يا ادهم وحشتني قوي
ادهم انت اللي وحشتني يا حبيبي انت عامل ايه
جاسر انا كويس الحمد لله
ادهم الحمد لله يا حبيبي انا زعلان منك عشان انت مش بتكلمني
جاسر والله مشاغل ده انا عندي ليك مفاجاه حلوه
ادهم مفاجاه ايه فرحني
جاسر انا راجع مصر بكره ان شاء الله هقعد اسبوعين وهسافر تاني
ادهم طب ده خبر كويس ادينا هنشوفك ونطمن عليك
جاسر ممكن تشوف اي اوتيل تحجزلي فيه الاسبوعين دول
ادهم عيب عليك يبقى بيت ابن خالتك مفتوح وتروح تقعد في اوتيل لا يا حبيبي تعال انت بس وانا هظبطلك اوضه عندي تنام فيها
جاسر انا مش عايزه اتعبكم بس معايا
ادهم تعبك راحه يا حبيبي انت واحشتني مۏت والله
جاسر تسلم يا حبيبي يلا سلام
ادهم سلام
جاسر يبقى ابن خالة ادهم وكان معاه في المدرسه ويعتبر صاحبه الانتيم
اليوم عدى والمغرب اذن وصلت مريم البيت
ساره ايه يا مريم يا حبيبتي اتاخرتي ليه
مريم مافيش يا روحي بس
بعد الكليه لفيت شويه مع اصحابي هو ادهم رجع وآله لسه
ساره لا ما شفتوش انا جيت من المدرسه وخلصت دروسي وماشفتوش خالص النهارده
مريم يبقى لسه ما رجعش خلاص يا حبيبتي هطلع اغير هدومي قبل ما يرجع عشان نتعشى كلنا سوا
ساره ماشي بس كنت عايزه
متابعة القراءة
