فى رثاء الاكس بقلم نيرة وائل
المحتويات
اني خلصت دموعي
كلها الاسبوع اللي فاتوا
_ يعني حزنتي عليه اسبوع بس
هزيت راسي ب ايوا شربت بوق قهوة و كملت كلامي
_ انا خطوبتي اخر الشهر
لقيت مريم صحبتي بخت القهوة اللي ف بوقها و بصتلي بذهول
_ انتي بتقولي ايه
اتكلمت بتنهيدة
_رامي رجع من السفر
ل_طارق خطب
يعني ايه خطب... انتي بتتكلمي بجد
هزيت اكتافي بقلة حيلة واتكلمت وانا بتنهد
بتهزري صح ... انتي هادية كدا ازاي
_ مش عارفه... بس انا حاسه اني
خلصت دموعي
كلها
الاسبوع اللي فاتوا
_ يعني حزنتي عليه اسبوع بس
هزيت راسي ب ايوا
شربت بوق قهوة و كملت كلامي
_ انا خطوبتي اخر الشهر
لقيت مريم صحبتي بخت القهوة اللي ف بوقها و بصتلي بذهول
_ انتي بتقولي ايه
_رامي رجع من السفر
كملت كلامها وهي بتشاور بإيديها لورا
_ رامي مين.. رامي رامي انجلترا
هزيت راسي ب ايوا
قبل 6 سنين
_ يعني انت هتسافر بجد
_ صدقيني هرجعلك
_ بس هتنساني يا رامي
_ بقولك ايه محدش متجوزك غيري... روحي ذاكري يلا
عندك ثانوية عامة
_ بس انا لسه في تانية
_ ولو عندك ثانوية برضو
قولتها و انا بجري على بيتي لكني وقفت تاني
وانا حابسة دموعي بالعافية
_ رامي هترجع صح
رد عليا بابتسامة كلها حب
_ هرجع عشانك
رامي دا يبقى جاري و حب طفولتي
سافر هو و عيلته انجلترا
و من وقتها معرفتش عنه حاجه
اخباره اتقطعت كلها
حتى في الاجازات منزلوش مصر
بيتهم اتباع و سكنه ناس غيرهم
هو غاب لكن جه مكانه طارق و محاه
_ خديجة انتي كدا بتعكي
اتنهدت و انا بحط فنجان القهوة على الترابيزة
_ طارق خلاص نساني وعاش حياته و انا كمان عايزة اعيش
و اظن مش هلاقي حد احسن من رامي
_ رامي كويس تمام مش هنختلف عليه
بس انتي لسه بتحبي طارق... رامي دا كان شغل عيال و مراهقين
_ قوليلي اعمل ايه
_ تقومي تختاري معايا فستان الخطوبة يلا
قلت كلامي وانا بشدها من ايديها و بجري
نيرة وائل
جه يوم الخطوبة كل حاجه كانت بيرفكت
القاعة الديكور الفستان والبدلة
لكن انا الوحيدة اللي مكنتش كويسة
فكرت كتير اسيب كل حاجة و امشي
لبست دبلة رامي و نهيت كل خيط
ممكن يوصلني بطارق
بس تقريبا كان للقدر رأي تاني
بعد مرور خمس سنين
_ خديجة يبنتي مفيش خطوبة بتقعد 5 سنين
انتي بقا عندك 25 سنه هتتجوزوا امتى عايز افهم
_ لما رامي يكون نفسه هو لسه متخرج من 3 سنين
يعني ملحقش يابابا
_ هو راجل لو اتجوز على ال محدش
ليه عنده حاجه
لكن
انتي هتعنسي جمبه
_ يا بابا انا...
_ بلا بابا بلا زفت.... متحاوليش تقنعيني انك متعلقة بيه
انتي مشفتيهوش في الخمس سنين دول غير 3 مرات أصلا
عمري ما شوفتك بتكلميه زي المخطوبين
دا احنا بنبعد ندا اختك عن التليفون بالعافية
ردت ندا والموبايل على ودنها
_ نعم يابابا بتنادي
_ اقفلي مع المحروس خطيبك وتعالي احضرينا هناا
قالها بابا بغيظ منها
_ يابابا يعني انت متضايق من ندا عشان مش بتبطل كلام
مع محمود خطيبها وانا متضايق مني عشان مش بكلم خطيبي
نرضيك ازاي طيب
_ خديجة انا كلمت رامي وقالي انه انتي اللي بتأجلي الفرح
الجملة دي طلعت من ماما خلتني فقدت النطق
كلهم كانوا بيبصوا ليا مستنين مني اي تبرير لكني مقدرتش اتكلم
_ ليه يا خديجة... ليه وانتي عارفه ان بابا مأجل جوازي انا محمود
لحد ما تتجوزي انتي الاول...
ردي عليا
ليه كدا
قالت كلامها بعصببية وزعيق
وانا برضو مش عارفه ارد اقول ايه
مش عارفه ادافع عن نفسي ازاي من الھجوم
متابعة القراءة
